Wasanii waiangukia Serikali kuingilia kati soko la filamu

 


Mkuu wa Wilaya ya Geita, Wilson Shimo akizindua Filamu ya KOSA LA MAMA kama sehemu ya kuunga mkono juhudi za kuendeleza tasnia ya uigizaji nchini.

Na Yohana Paul, Geita

WASANII wa Filamu mkoani Geita wameiomba Serikali kuendelea kuwaunga mkono na kuwawekea mazingira rafiki ya kuendeleza sanaa ikiwemo kuweka usimamizi madhubuti wa soko la filamu ambalo lina changamoto kubwa kwa sasa ili kuifanya tasnia ya uigizaji kutengeneza ajira kwa vijana.

Akizungumza kwa niaba ya wenzake wakati wa uzinduzi filamu yake ya KOSA LA MAMA, Mkurugenzi Mtendaji wa Kampuni ya Maigizo ya Kapaya The Great, Michael Kapaya amesema serikali ikiweka usimamizi na kanuni thabiti kwenye soko la filamu.

Amesema kw akufanya hivyo wataweza kujikwamu kiuchumi ambapo pia ameishauri Wizara ya Habari, Utamaduni, Sanaa na Michezo, kuandaa matamasha ya filamu yatakayowasaidia wasanii kutangaza kazi zao.

Aidha, Kapaya ameviomba vyombo vya habari kuipa nafasi sanaa ya uigizaji kama ilivyo kwa uimbaji kwani sanaa hiyo haiwezi kukua kama hakuna ushirikiano wa vyombo vya habari na kudokeza kuwa maudhui ya filamu yake ya KOSA LA MAMA yanalenga kuigusa na kuielimisha  jamii juu ya wajibu wa mama kipindi cha malezi kwa mtoto mchanga.

Mkuu wa Wilaya ya Geita, Wilson Shimo amesema malengo na maono yaliyomo ndani ya filamu ya KOSA LA MAMA yanatoa taswira ya  namna gani vijana ambao wanaibukia kwenye fani tofauti wanahitaji msaada na kuungwa mkono ili waendelee kuelimisha, kuburudisha na kujipatia kipato.

Amesema ofisi yake ipo tayari kuwashika mkono wasanii wote hususani wale walioonyesha nia, na wataendelea kuwaelekeza vijana juu ya hatua za kupitia kupata mikopo kutoka asilimia 10 inayotengwa kwa ajili ya mikopo kwa makundi ya vijana, kina mama na watu wenye ulemavu ili waweze kujiendeleza kufikia malengo yao.

Shimo alisema kutokana na uwepo wa tasnia nyingi na kazi za sanaa wanatarajia kuwekeza kukuza tasnia ya filamu wilayani Geita na watahakikisha kila mwaka wanasaidia tasnia nyingine ili kupanua uwigo wa fursa za ajira kwani Filamu ya KOSA LA MAMA imetoa mwanga kwa kutoa ajira za muda mfupi kwa takribani vijana 40 ambayo ni matunda ya sanaa.

Naye mdau wa maendeleo na sanaa mkoani Geita, Daniel Haji amesema filamu ya CHOZI la MAMA imewafundisha uhitaji wa wadau wote mkoani GEITA kushikamana kukuza sanaa hiyo na hata kuutangaza utamaduni wa mkoa na taifa kupitia tasnia ya filamu ambazo mbali na kuburudisha na kuelimisha pia ni sehemu ya ajira.

Comments

Post a Comment

Popular posts from this blog

Wataalamu watoa tahadhari ya chanjo kwa wajawazito, wagonjwa

Image
  Awali, Balozi wa Marekani nchini, Dk. Donald Wright, akizungumza na Waandishi wa Habari Agosti 5, mwaka huu jijini Dar es Salaam wakati wa maswali na majibu kwa waandishi wa habari. Na Faraja Masinde, Dar es Salaam WATANZANIA wanaendelea kuhimizwa juu ya kuchangamkia kupata chanjo ya kujikinga na virusi vya corona ambayo tayari imeendelea kutolewa kwenye maeneo mbalimbali nchini, hata hivyo kuna makundi ambayo watalaamu wa afya wameshauri yasipatiwe chanjo hiyo kwa sasa. Makundi hayo ni watoto chini ya miaka 18 na mtu anayeumwa. Wataalamu wa Afya wanaofanyakazi na Ubalozi wa Marekani nchini, kutoka kushoto ni Dk. Eva Matiko ambaye ni Bingwa wa Afya ya Jamii, akifuatiwa na Dk. Arkan Ibwe(katikati) na Dk. Emmanuel Tluway anayefanyakazi na Shirika la misaada la Marekani Usaid. Ushauri huo umetolewa na wataalamu wa afya wanaofanya kazi na Ubalozi wa Marekani nchini kwenye mkutano wa maswali na majibu kwa waandishi wa habari juu ya chanjo ya corona. Wameeleza sababu ya kutotolewa chanjo h
Read more
Image
  NA MWANDISHI WETU BENKI ya NMB, kupitia Program ya Uwajibikaji kwa Jamii (CSR), imetoa msaada wa viti na meza 150 kwa shule za sekondari za Saranga ya Kimara na Mashujaa ya Sinza, pamoja na mabati 175 kwa shule ya msingi Mianzini, iliyopo Magomeni Makurumla, zote wilayani Ubungo, jijini Dar es Salaam, vyote vikiwa na thamani ya sh. 20 milioni. Hafla ya makabidhiano hayo imefanyika jana Alhamisi ya Agosti 5, 2021 katika shule ya sekondari Saranga, ambako Mkuu wa Kitengo cha Biashara za Serikali wa NMB, Vicky Bishubo, alimkabidhi Mkuu wa Wilaya ya Ubungo, Heri James, mbele ya Mbunge wa Ubungo na Waziri wa Viwanda na Biashara, Kitila Mkumbo. Akizungumza kabla ya kukabidhi vifaa hivyo, Bishubo amesema msaada huo ni sehemu ya utaratibu wao wa kila mwaka, ambako hutumia asilimia moja ya faida yao kwa mwaka uliotangulia, kurejesha kwa jamii kwa kusaidia utatuzi wa changamoto zinazoikabili Sekta za Elimu na Afya, pamoja na majanga.  Bishubo amebainisha kuwa, NMB inatambua, kuthamini na kuung
Read more